من دیه ن یوخ ,فلک دیه ن اولدوسا,
اسدی یئلله ر ,گول یاناغین سولدوسا,
درد الینده ن آلا گوزلر دولدوسا,
... سن آغلاما,من آغلاییم,گوزه لیم!

اوغروندا اولموش ایکن سرسری,

من اوپمه ده ن او گیوریجیک تئلله ری,
داغیتدیسا طبیعتین اللری,
سن آغلاما,من آغلاییم,گوزه لیم!

هانی سنین هر عاشیقه,هر گنجه,

عشق اوخویان قلبین سونموشدور منجه,
بولماییرسا قلبین آرتیق ایله نجه,
سن آغلاما,من آغلاییم,گوزه لیم!

بیر قوشویدوم,گئجه گوندوز سیزله ره,

یازیق منی گولدورمه دین بیر کره,
باخیب ایندی آلنینداکی ایزله ره,
سن آغلاما,من آغلاییم,گوزه لیم!

من باخارکن سن ووردوغون یارایا,

ایندی ظالیم فلک گیردی آرایا,
باخ خسته قلبیمله گلدیم هارایا,
سن آغلاما,من آغلاییم,گوزه لیم.

احمد جاواد